Ég fagna þessu skrefi í rétta átt

Það er ánægjulegt að stjórnvöld hér á landi geri sér grein fyrir því að við búum á Íslandi þar sem á öllu er von af hendi náttúrunnar. Þessir tveir starfsmenn munu án efa skipta miklu máli.

Hingað til hefur mér fundist þetta hlutverk stjórnvalda verið mjög vanrækt. Náttúruvá er okkar helsti óvinur ef þannig má að orði komast. Með þessum tveimur nýjum starfsmönnum verður hægt að skilgreina betur raunhæfar viðbragðsáætlanir fyrir landið allt.

Það sem gerist í einum landshluta hefur áhrif á aðra með beinum eða óbeinum hætti. Ef þjóðvegurinn lokast við Mýrdalsjökul þá verður norðurleiðin um Víkurskarð eina vegtengingin við allt austurland og suðurland austan við Mýrdalsjökul. Það er ekki til neitt strandflutningaskip hér á Íslandi og Langhelgisgæslan er neydd til þess að leigja út sín tæki vegna fjárskorts.

Landsbjörg er að sjálfsögðu trausti hlekkurinn í þessu öllu saman en starfsemi hennar byggist að mestu á frjálsum framlögum frá einstaklingum og fyrirtækjum - sérstaklega vegna sjálfboðavinnu fólksins sem tekur þátt í hennar starfi. Stjórnvöld ættu að hlúa meira að Landsbjörgu og aðilarfélögum á hverjum stað fyrir sig.

Það er einnig búið að skera alltof mikið niður hjá lögreglunni þannig að hún nær ekki að sinna lögboðnu hlutverki sínu. Samt þarf hún ávallt að vera fyrst á staðinn og hafa umsjón með hverju svæði fyrir sig.

Fjárskortur til lögreglu og annarra grunnstoða er þjóðinni til skammar - sérstaklega þó stjórnvöldum!

Starfsmönnum fjölgað vegna eldgosahættu

Ég ætla að vera eins kurteis og ég get

Okey, eigum við ekki bara að senda öll skipin okkar og flota til Zues-skurðar. Leggjum allar þyrlur og flugvélar niður líkar. Þetta skiptir engu máli. Þetta er áætlaður fórnunarkostnaður.

Þetta eru félagar mínir þarna um borð. Ef þetta klikkar þá mun ég ekki hlusta á eitthvað stjórnmálakjaftæði eða sparnað... til þess að moka pening í fólk sem eru svikarar og lygarar!

Ægir sendur af stað

Munu erlendir málaliðar berja niður íslenska lögreglumenn?

Ég hlustaði á afar forvitnilegt viðtal við Ögmund innanríkisráðherra í útvarpsþættinum "Reykjavík síðdegis" á Bylgjunni í gær (28. september 2011).

Þar segir hann:

"... og það þarf eitthvað mikið að gerast til að við förum horfa út fyrir landssteinana með hjálp í þessum efnum. Þá gerum við hitt miklu fremur að beina orðum til Íslendinga almennt ..."

og svo aðeins síðar: 

"... í stað þess að fara að flytja inn erlendar óeirðarsveitir þá beinum við þeim orðum til íslendinga, eigum við ekki bara að taka á málum hvað þetta snertir og tryggja að hér sé friður í landinu og að mótmælin séu með friðsæmum hætti ..."

Ég skil þetta ekki öðruvísi en að erlendir málaliðar verði kallaðir til ef þörf krefur. Svipað og Gaddafí notaði gegn þjóð sinni.

Þegar ráðherrar eru komnir út á þennan hála ís að ræða um erlenda málaliða til þess að berja á almenningi og lögreglu landsins - þá láta þeir ekki einhverja stjórnarskrá eða lög stoppa sig.

Ég trúi því varla að íslenskur ráðherra hafi leyft sér að viðra þennan möguleika í beinni útsendingu.

Upptaka af viðtalinu: Reykjavík síðdegis
 

 

 

(Mynd: http://twistedscottishbastard.blogspot.com
/2010_06_01_archive.html)

Lögreglan í kröfugöngu

Erlendar óeirðasveitir (málaliðar) í boði Ögmundar?

Ég var að hlusta á Reykjavík síðdegis áðan og þar var Ögmundur innanríkisráðherra í símaviðtali.

Þar segir hann:

‎"... og það þarf eitthvað mikið að gerast til að við förum horfa út fyrir landssteinana með hjálp í þessum efnum. Þá gerum við hitt miklu fremur að beina orðum til Íslendinga almennt ..."

og svo aðeins síðar:

"...í stað þess að fara að flytja inn erlendar óeirðarsveitir þá beinum við þeim orðum til íslendinga... eigum við ekki bara að taka á málum hvað þetta snertir og tryggja að hér sé friður í landinu og að mótmælin séu með friðsæmum hætti..."
 

Þarna er Ögmundur augljóslega að gefa það til kynna að mögulegt sé að erlendar sveitir verði kallaðar til þess að þvinga íslenska borgara til skoðana og lags við núverandi ríkisstjórn. Munu þessar erlendu sveitir beita vopnum á íslenska borgara og íslenska lögreglumenn?

Ég hvet alla til þess að hlusta á þetta viðtal við Ögmund!

Slóðin er: http://www.visir.is/section/MEDIA98&fileid=CLP6483

Óljóst með aðgerðir við þingsetningu

Snúum bökum saman

Ég er á því að núverandi ríkisstjórn er í engu sambandi við raunveruleikann. Það má ekki gleyma því að Jóhanna og Steingrímur eiga stóran þátt í því hvernig ríkið hefur þróast undanfarna áratugi. Þau hafa bæði verið ráðherrar áður og þau hafa verið atvinnustjórnmálamenn stærsta hluta ævi sinnar. Þau geta því ekki falið sig á bakvið þekkingar- og reynsluleysi.

Þessi fyrrnefndu eru búin að hafa gott tækifæri til þess að reyna að rétta hlutina af eftir banka- og gjaldeyrishrunið en flest allar ákvarðanir þeirra eru á skjön við almenna hagfræði. Þau kjósa að svelta beljurnar (og jafnvel slátra) en krefjast þess að mjólka á meiri afköstum en eðlilegt er.

Á sama tíma lifa þau í alsnægtum og passa vel upp á að gefa sér og sínum nóg að borða. Spillingin hefur aldrei verið meiri að mínu mati en einmitt eftir hrun (hvort sem það er mælt í raunvirði eða á nafnvirði).

Það dæmi gengur ekki upp og hefur aldrei gengið upp í mannkynssögunni. Sagan Animal Farm lýsir þessu á hliðstæðan hátt.

Á sama tíma og prestar, alþingismenn, ráðherrar, dómarar og ýmsir forstjórar ríkisstofnana fá sjálfgefnar launahækkanir, oft upp á hundruð þúsundir, þá er enginn vilji til þess að hækka laun lögreglumanna, þó það væri bara til þess að halda í við raunvirði ráðstöfunartekna.

Það eru tugir opinberra starfsmanna sem eru með milljónir í mánaðarlaun þrátt fyrir loforð forsætisráðherra um að svo yrði ekki.

Bestu skilaboðin sem ríkisstjórnin gæti fengið frá þjóð sinni til þess að hugsa ráð sitt - er að halda friðsamleg mótmæli 1. október næst komandi kl. 10:00, þar sem lögreglan myndi nýta tækifærið og mótmæla líka, þó það væri ekki nema rétt á meðan alþingismenn ganga yfir í kirkjuna; lögreglumenn gætu myndað skjöld um almenning gagnvart alþingismönnum í mínútu eða svo.

Lögreglumenn geta engu treyst

Brakið lenti í Kyrrahafi

Nýjustu upplýsingar frá NASA eru á þá leið að brakið af gervitunglinu hafi lent í Kyrrahafið án þess að valda tjóni (nema kannski að hvalur hafi verið að anda og brak lent á honum eða eitthvað álíka).

• http://www.nasa.gov/mission_pages/uars/index.html

Gervitunglið lent

Ísland er langt fyrir norðan hættusvæðið

Skilgreint hættusvæði fyrir þennan gervihnött er á milli N57° og S57° breiddargráða. Brakið getur dreifst á um 1.000 km langt svæði frá því að hnötturinn byrjar að brotna í sundur. Þyngsti hluturinn verður í mesta lagi um 150 kg við árekstur. Skotland er til dæmis á N57° breiddargráðu.

Ísland er langt fyrir utan þetta svæði enda er syðsti punktur Íslands, Surtsey, í breiddagráðu N63° sem er um 666 km norðan við skilgreint hættusvæði. Það þarf eitthvað algjörlega óvænt að eiga sér stað til þess að eitthvað gæti lent á Íslandi (til dæmis inngrip geimvera  ).

Helstu heimildir:

• http://www.nasa.gov/mission_pages/uars/index.html
• http://news.nationalgeographic.com/news/2011/09/110921-nasa-satellite-uars-space-debris-crash-land-earth-nation/
• http://www.youtube.com/watch?v=TwsmG4fSxaA
• http://www.space.com

Það er hægt að finna ógrynni af upplýsingum um þetta á netinu og flestar eru samhljóma um hættusvæðið. Best er þó að byggja á upplýsingunum frá NASA.

Gæti lent nánast hvar sem er

Íslendingar áttu að gera þetta fyrir löngu

Það er mun farsælla fyrir ríkið að auka veltu í samfélaginu með lægri sköttum og auknum framkvæmdum. Í heildina fær ríkissjóður meira og þegnum líður betur.

Hér á landi gera yfirvöld akkúrat hið gagnstæða. Hækka skatta fram úr öllu hófi og setja allt í bremsu. Þetta skilar sér í minni tekjum í heildina fyrir ríkissjóð.

Þessi meinta verðbólga hér á Íslandi er ekki sökum hagvaxtar eða eftirspurnar. Það er í raun hættulegur samdráttur í efnahagslífinu hér á landi en einhverra hluta vegna er lítið sem ekkert fjallað um það í fjölmiðlum eða hjá stjórnmálamönnum.

Til að mynda er hækkun fasteignaverðs "ímynduð" hækkun sem ríkið sjálft ákveður. Mikið af þeim vörum sem hafa hækkað er vegna beinna hækkana skatta sem ríkið ákveður. Allt þetta hækkar neysluvísitöluna sem hækkar síðan verðtryggðar afborganir lána. Þar að auki er innibyggður hvati/villa í aðferðafræði neysluvísitölunnar sem tryggir alltaf að hún fari hækkandi.

Ofan á þetta er seðlabankinn úti á þekju með sína vaxtastefnu og það ríkja hér gjaldeyrishöft.

Ef bankahrunið kom Íslandi í kennslubækur út um allan heim þá munu viðbrögð yfirvalda hér á landi í kjölfar hrunsins svo sannarlega gera það líka.

Lækka skatta og auka framkvæmdir

Heimsendir þann 28. október 2011?

Ég er nú meira í gamni en af alvöru að skrifa þetta. Hins vegar heillast ég af alls konar samsæriskenningum sem hægt er að finna á netinu. Ekki eyðileggur að RÚV er búið að vera sýna sjónvarpsþætti um plánetur og hvernig segulsvið þeirra virkar. Mikið af kenningum sem eru í gangi, er að í lok október 2011 muni heimurinn farast. Sumir segja að hið raunverulega 12.12.2012 sé í raun október 2011 því Maya dagatalið er öðruvísi en nútíma dagatal.

Hins vegar fór ég aðeins að skoða þetta með segulsvið og legu pláneta. Síðasti heimsendir átti að vera nákvæmlega klukkan 18:00, 21. maí 2011 - einmitt þegar það gaus síðast í Grímsvötnum (miðað við GMT á Íslandi!). Þetta var víst fundið út frá legu pláneta í sólkerfinu okkar (hér er frétt frá einum)

Ég fann flotta síðu sem reiknar þetta allt saman út og sýnir með flottri grafík:

• http://www.solarsystemscope.com/

Þar fann ég út stöðu pláneta 28. október 2011 kl. 6:00. Um svipað leyti á víst Elenin "dvergstjarnan" að vera sem næst jörðu.

Hugmyndin er sú að segulsvið frá öðrum plánetum hefur áhrif á Jörðina. Þann 21. maí síðast liðinn voru einmitt sumar plánetur í línu (þar með talin jörðin) en sólin var ekki í milli.

Ef þessir fræðingar sem maður hefur fylgist með á netinu hafa rétt fyrir sér þá getur verið spennandi að fylgjast með hvað gerist í lok október. Verður heimsendir? Verður eldgos? Jarðskjálfti? Eða höldum við bara áfram að vinna til þess að greiða skatta okkar?

P.s. enn og aftur vil ég undirstrika að þetta er bara sett fram af áhuga og einungis til gamans!

Hvar skyldi nýja Landhelgisgæsluvélin okkar vera núna?

Mynd af TF-SIF á heimasíðu Langhelgisgæslunnar.

Ég skrifaði stutt blogg um nýju Landhelgisgæsluvélina okkar fyrir skömmu síðan vegna fréttar um að hún væri leigð til Afríku.

Það er upplagt að rifja það aðeins upp núna: http://summi.blog.is/blog/summi/entry/1187737/ 

Hvað verður við lengi að kalla hana til Íslands ef þörf er á?

Engin augljós skýring á óróa