Heimsendir þann 28. október 2011?

Ég er nú meira í gamni en af alvöru að skrifa þetta. Hins vegar heillast ég af alls konar samsæriskenningum sem hægt er að finna á netinu. Ekki eyðileggur að RÚV er búið að vera sýna sjónvarpsþætti um plánetur og hvernig segulsvið þeirra virkar. Mikið af kenningum sem eru í gangi, er að í lok október 2011 muni heimurinn farast. Sumir segja að hið raunverulega 12.12.2012 sé í raun október 2011 því Maya dagatalið er öðruvísi en nútíma dagatal.

Hins vegar fór ég aðeins að skoða þetta með segulsvið og legu pláneta. Síðasti heimsendir átti að vera nákvæmlega klukkan 18:00, 21. maí 2011 - einmitt þegar það gaus síðast í Grímsvötnum (miðað við GMT á Íslandi!). Þetta var víst fundið út frá legu pláneta í sólkerfinu okkar (hér er frétt frá einum)

Ég fann flotta síðu sem reiknar þetta allt saman út og sýnir með flottri grafík:

• http://www.solarsystemscope.com/

Þar fann ég út stöðu pláneta 28. október 2011 kl. 6:00. Um svipað leyti á víst Elenin "dvergstjarnan" að vera sem næst jörðu.

Hugmyndin er sú að segulsvið frá öðrum plánetum hefur áhrif á Jörðina. Þann 21. maí síðast liðinn voru einmitt sumar plánetur í línu (þar með talin jörðin) en sólin var ekki í milli.

Ef þessir fræðingar sem maður hefur fylgist með á netinu hafa rétt fyrir sér þá getur verið spennandi að fylgjast með hvað gerist í lok október. Verður heimsendir? Verður eldgos? Jarðskjálfti? Eða höldum við bara áfram að vinna til þess að greiða skatta okkar?

P.s. enn og aftur vil ég undirstrika að þetta er bara sett fram af áhuga og einungis til gamans!

Athugasemdir

[Guðni Karl Harðarson, 15.9.2011 kl. 15:43]

Hér er ein samsæriskenning fyrir þig:

Monday, January 17, 2011

3 giant spaceships near Pluto will reach Earth in December 2012?

December 27, 2010 - According to the Russian Pravda news, the SETI, a non-commercial organization said that the largest one of the three spaceships is 240 kilometers wide, and the two others are smaller.

It further stated that currently, the objects are beyond the orbit of Pluto and will reach Earth in December 2012.

The report claims that the spaceships were detected by the HAARP search system, based in Alaska, which is designed to study the phenomenon of northern lights.

According to the SETI researchers the objects are nothing but extraterrestrial spaceships, and will be visible in optical telescopes as soon as they reach Mars' orbit, reported the Pravda news.

 

linkur:

http://www.latest-ufo-sightings.net/2011/01/3-giant-spaceships-near-pluto-will.html

[Sumarliði Einar Daðason, 20.9.2011 kl. 08:38]

Takk fyrir þessa ábendingu

Annars las ég það á einum stað að Elenin væri í raun geimfar til þess að sækja útvalda á jörðinni rétt áður en jörðin fer í sjálfseyðingarham. Ætli að það sé afþreyingakerfi um borð þar sem hver og einn ræður hvað hann horfir eða hlustar á eins og Icelandair bjóða upp á?

[Guðni Karl Harðarson, 20.9.2011 kl. 09:42]

Já örugglega og svo verður boðið upp á íslenskt lambakjöt. En þeir munu kaupa heilu tonnin af því og þannig nógu gott að borða.

Svo verður örugglega boðið upp á líkamsrækt í lúxus sölum og sérstakar hlaupabrautir þar sem fólk getur hlaupið í upp-niður hring eins og við höfum séð í sumum Sf myndum.

[Sumarliði Einar Daðason, 20.9.2011 kl. 16:12]

Þetta er auðvita góður punktur hjá þér með íslenska lambakjötið! Þetta er auðvita alveg nýr og ónýttur markaður sem ætti að kynna fyrir landbúnaðarráðherra. Gæti skilað góðum tekjum til landbúnaðar Íslands um ókomna tíð