Er þitt þráðlausa net opið?

Google er að gera marga góða hluti. Ég sé ekkert ólöglegt við það að skrá niður þessi þráðlausu net svo lengi sem það er ekki notað í annalegum tilgangi. Í reynd held ég að það sé bara ólöglegt í Frakklandi.

Þeir sem eru með venjulega þráðlausa ferðatölvu eða snjallsíma hafa örugglega tekið eftir því að það eru þráðlaus net (WLAN) nánast alls staðar í þéttbýli hér á landi. Það sem verra er, sumir aðilar hafa ekki netin læst. Þá er ég ekki að tala um netcafe - heldur heimili og fyrirtæki. Það er auðvelt fyrir illgjarna persónu með tölvuþekkingu að misnota þennan veika hlekk.

Hver kannast ekki við að skyndilega er erlent niðurhal komið langt yfir eðlilega notkun? Unglingnum og YouTube.com kennt um?

Þetta opna þráðlausa netsamband gæti þess vegna verið nýtt til þess að stela persónu- og bankaupplýsingum. Niðurhala og dreifa ólöglegu efni. Dreifa ólöglegum tölvupóstum og jafnvel gera árásir á stofnanir og fyrirtæki. Sá aðili sem er skráður fyrir nettengingunni gerir sér enga grein fyrir þessu en er samt sem áður ábyrgur fyrir öllu sem gert er í gegnum hans netsamband.

Til þess að gera þetta súrealískt: Segjum svo að þú ert að fara í vinnuna einn morguninn og skyndilega er götunni lokað, það safnast saman lögreglubílar og víkingasveit. Þér finnst þetta spennandi og klárar úr kaffibollanum - fylgist með. Síðan er ráðist inná þitt heimili, þú settur í yfirheyrslur því það var "einhver" að stríða CIA í gegnum þitt opna þráðlausa net. Eða þegar þú ert að versla í matinn og korti þínu er synjað - þú handtekinn á staðnum - því kortið var notað í umsvifamiklum fíkniefnaviðskiptum eða kaupum á barnaklámi. Bara af því að þráðlausa netið þitt var opið!

Safna upplýsingum um þráðlaus net

Athugasemdir

[Axel Þór Kolbeinsson, 4.5.2010 kl. 09:07]

95% þráðlausra neta á íslenskum heimilum hafa WEP læsingu, en beinarnir koma forstilltir þannig frá netveitunum.  WEP er hinsvegar hægt að brjóta upp á 5 mínútum ef vilji er fyrir hendi og því ætti fólk að skipta yfir í WPA læsingu.

[Ingimar (IP-tala skráð) 4.5.2010 kl. 09:21]

Fjöldi tilfella þar sem brotist er inn á beina er hverfandi, og ef horft er á almenna kunnáttu fólks í tengslum við gagnaflutning kemur í ljós að það er þónokkuð um það að fólk geti sér ekki grein fyrir því hvað er erlent niðurhal.

Einnig handa þeim sem eru ekki að fíla íslenskar niðurhalstakmarkanir.

Leiða má líkum að því að niðurhal umfram 20GB á mánuði sé að mestu ef ekki öllu leyti, niðurhal á ritvörðu efni sem fengið er með ólöglegum hætti á einn eða annan hátt :)

[Birkir Rafn Guðjónsson (IP-tala skráð) 4.5.2010 kl. 12:40]

Axel Þór Kolbeinsson: Það er rétt að fólk ætti allavegana að skipta yfir í WPA læsingu, en hún er ekkert mikið skárri, hún getur verið brotin upp á 15 mínútum.

Eftir að skjákortin frá nvidia geta verið notuð til þess að brjóta WPA2 hefur það lítið að segja.

Maður sem ætlar sér að komast inn á þráðlaust net, getur það.

Þannig mitt ráð er einfaldlega að benda fólki á að slökkva á routernum hjá sér ef það er ekki að nota internetið. ( sem er helvíti erfitt útaf ADSL sjónvörpum nú til dags ).

Og þá bendi ég fólki á að nota einungis kapla og slökkva á Wifi útsendingu routers.

[Sumarliði Einar Daðason, 4.5.2010 kl. 12:41]

Ég er sammála ykkur báðum. Tæknilega séð er hægt að brjótast inn í hvaða tölvukerfi sem er, þetta er bara spurning um tíma og þekkingu. Ég er aðallega að vísa í þráðlaus net sem hafa ekki einu sinni einfalt óruglað textalykilorð!

Það segir sig sjálft að ef þú ert ekki að kaupa hugbúnaðar, tónlist eða bíómyndir á netinu og niðurhal verður 20GB eða meir á einum mánuði, þá eru líkur á því að ólöglegt niðurhal eigi sér stað, eins og það eru líkur á því að það eigi sér eðlilegar orsakir.

Tæknilega séð er hægt að útbúa Flash-auglýsingu hér á MBL og láta auglýsinguna sækja heila ólöglega bíómynd af einhverri heimasíðu í minnið í tölvuna þína án þess að þú yrðir var við það, nema að fylgjast sérstaklega með netsambandinu! Hver á þá sökina? MBL eða þú? Hins vegar er ólíklegt að slíkt myndi gerast með fréttavef eins og MBL - því það væru sennilega einhverjir sem yrðu þess varir og létu MBL vita.

[Sumarliði Einar Daðason, 4.5.2010 kl. 12:47]

Svo er eitt annað sem mig langar að benda á varðandi þessa þráðlausu tækni sem einkennir hin og þessi tæki. Í sumum þráðlausum vinsælum höfuðtólum er ekkert ruglað og því getur þú hlustað á allt sem er í 200-300 metra fjarlægð án þess að viðkomandi verði var við það. Þegar tölvurnar eru svo búnar raddstýringarbúnaði þá er alveg eins hægt að útbúa heilsíðuauglýsingu með PIN-númeri sínu, kennitölu og lykilorðum.

Þetta eru auðvita langsótt dæmi en það er svo sannarlega til staðar hér á landi. Þetta er bara allt spurning um ásetning hvers og eins.

[Teitur Haraldsson, 5.5.2010 kl. 07:47]

WPA og WPA 2 AES eru alls ekki svona auðbrjótanlegir.
Ekki TKIP heldur, þótt það sé komið lengra.

Að slökkva á þráðlausa netinu er alveg út í hött.
Það er engan veginn svo auðvelt að brjóta upp og nota netið sem er WPA læst.

[Axel Þór Kolbeinsson, 5.5.2010 kl. 08:42]

Rétt hjá Teit, enda var hann með góða kennara í þráðlausu .

http://arstechnica.com/tech-policy/news/2009/08/one-minute-wifi-crack-puts-further-pressure-on-wpa.ars

[Teitur Haraldsson, 6.5.2010 kl. 00:49]

Maður býr lengi að góðri byrjun :)

Þetta er líka góð grein. 
http://db.tidbits.com/article/10508
Að nota sér þetta crack er nánast ómöglegt.