Þetta er ánægjuleg frétt

Það er ánægjulegt að ADSL verði núna aðgengilegt í Mývatnssveit.

Ég held að sumir viti ekki af því að stór hluti landsins hefur ekki hraðan aðgang að Internetinu. Vefir eins og mbl.is getur tekið margar mínútur í niðurhali bara vegna þess að auglýsingarnar eru svo þungar.

Dæmi eru um að mbl.is forsíðan hafi verið hátt í 2MB að stærð.

Þeir sem eru með ADSL eða ljósleiðara finna að sjálfsögðu ekki fyrir þessu.

ADSL í Mývatnssveit

Athugasemdir

[Stefán Örn Viðarsson, 11.5.2010 kl. 17:24]

Það var nú samt samband þarna fyrir! ... þetta er ekki alveg rétt sem fréttin segir.

[Þórarinn (IP-tala skráð) 12.5.2010 kl. 12:15]

Í Mývatnssveit hefur ADSL þjónusta ekki verið í boði til þessa, heldur hefur eMax rekið þar þráðlaust samband og EJS boðið SDSL (held ég fari örugglega rétt með) á takmörkuðum hraða. Nýlega var síðan sett upp "háhraðatenging" (skv. löngu úreltri skilgreiningu á "háhraða"!) á vegum Fjarskiptasjóðs fyrir ein fjögur lögheimili.

Enginn þessara kosta dugar fyrir þjónustu á borð við sjónvarp yfir nettengingu og reyndar á mörkunum að hægt sé að nota símtöl yfir IP-net í ásættanlegum gæðum.

Rekstraröryggi þessara tenginga hefur á stundum verið ábótavant og afköst lengst af engan veginn dugað á álagstímum. Þannig hefur t.d. fjarvinna verið nokkrum takmörkunum háð, þar sem þátttaka í fjarfundum er ekki alltaf möguleg og VPN-tenging dettur stundum út mörgum sinnum á dag.

Þar fyrir utan hefur áskriftargjald verið töluvert hærra en almennt fyrir ADSL-þjónustu, þrátt fyrir verulega minni hraða.

Eftir stendur því að það er rétt sem fram kemur í fréttatilkynningunni að hingað til hafa Mývetningar ekki átt kost á ADSL-þjónustu. Úr því verður vonandi bætt hið allra fyrsta - og þótt fyrr hefði verið!

Það er bara vonandi að önnur svæði í sömu aðstöðu fái einnig notið þessarar sjálfsögðu þjónustu í náinni framtíð.