Smálán og verðtryggð lán - sama bölið

Það er ánægjulegt að Alþingismenn eru að vakna til lífs og sjái okrið á smálánum.

En ánægjulegra væri ef þau vöknuðu til lífs varðandi verðtryggð lán. En þar setja þau sjónaukann fyrir blinda augað og segja ekkert.

Þau hamra á fjármálalæsi en það er nánast vonlaust fyrir flesta að vita hvernig verðtryggð lán enda - enda ekki hægt - þó þú sért dúx í fjármálum, viðskiptafræðingur eða hagfræðingur.

Verðtryggð lán ætti að vera fyrir löngu búið að afnema, nema til fagaðila.

Ef menn þora ekki að afnema hana á einu bretti, þá að minnsta kosti taka húsnæðisliðinn út til að byrja með. Á sama tíma festa neyslukörfuna þannig að sömu vörur/þjónusta haldi vægi sínu út tímann - en ekki sé flakkað með neyslumynstur á hverjum tíma eftir því hvað er í tísku hverju sinni.

Smálán „ekkert annað en óværa“

Athugasemdir

[Sigurður Kristján Hjaltested, 9.4.2018 kl. 19:40]

Sæll Sumarliði.

Árið 2010, sendi ég hverjum einasta þingmanni e-mail vegna þessa máls.

Þar benti ég þeim á þá stórhættu sem þetta okurlánafyrirbrigði bauð uppá.

Þ.e.a.s að þarna var lagður grundvöllur af því að svartmerkja okkar

ungu kynslóð þegar ekki væri staðið í skilum.

Af öllum 63, þá voru aðeins 5 sem sáu ástæðu til þess að svara.

Svarið, frá öllum, var á þá leið, að þakka fyrir brýninguna og að

þetta yrði sko skoðað.

Nú eru liðin 8 ár og ekkert hefur gerst og mun því miður ekki ske

vegna undirlægjuháttar okkar þingmanna gagnvart fjármagni.

En það má alltaf vona eins og þú gerir.

Því miður er sú von löngu kulnuð hjá mér eftir þessa reynslu.

Þetta fólk á þingi er ekki þar til að gæta hagsmuna almennings.

Þingmannaeiðurinn er eitt það allra mesta skrípa fyribæri sem

þeir sverja sig að.

Man ekki eftir einum þingmanni sem hefur staðið við það.

Sorglegt en satt.

[Einar S. Hálfdánarson (IP-tala skráð) 9.4.2018 kl. 23:25]

Ja hérna, okurlán þegar maður borgar jafnverðmæta krónu til baka og maður tók að láni. Ég er greinilega fórnarlamb frá unga aldri. Þeir sem agitera fyrir því að gera sparnað gamla fólksins upptækan með því að láta verðbólguna éta hann upp ættu einfaldlega að skammast sín (ef þeir hafa greind til).

Það er ekki nema von að flokkur ungra auðnuleysingja sem hvorki nenna að vinna né læra sé með kjörna fulltrúa á þingi

[Sumarliði Einar Daðason, 11.4.2018 kl. 13:54]

Íslenska verðtrygging á lánum með okurvöxtum þar að auki er ekki að greiða jafnt verðmæti til baka. Þar að auki byggist vísitalan á huglægu mati hverju sinni. Ef til dæmis úrtakið, sem er notað til viðmiðunar, eykur neyslu sína t.d. að ferðast til útlanda oftar, kaupa sér dýrari hús og bíla, þá hækkar það verðtryggð lán. Alveg óháð því hvort krónan hækki eða lækki í verði.

Vextir lána eiga að dekka verðrýrnun/verðbólgu gjaldmiðla. Þannig eru þeir hugsaðir.

Þetta varðar auðvita beint afleiðuviðskipti, en almennt eiga bara faglærðir aðilar að stunda slík.

Með smálánin þá veistu alla vega okurvextina í upphafi. Með verðtryggð lán þá þarftu að stóla á lukku.