Fjölmargar stofnanir ríkisins stóðu í þeirri merkingu

Fyrst þegar ég heyrði af þessum orðrómi um að flugvél frá bandaríska flugflotanum væri að flytja sprengiefni á Akureyrarvöll fyrir Vaðlaheiðargöng, þá fannst mér það auðvita ótrúlegt. Það fer enginn að flytja sprengiefni með flugvél nema þá í hernaði. Aldrei of nálægt byggð nema það sé stríð - sérstaklega ekki á Íslandi.

Það má ekki einu sinni flytja notaða bílavarahluti, sem hafa komist í tæri við eldsneyti, með flugvél.

Fyrir utan það rökrétta í málinu þá hefði það aldrei rúmast innan kostnaðaráætlunar Vaðlaheiðarganga að flytja eitthvað með leiguflugi frá bandaríska flughernum - hvort sem það væri sprengiefni eða varahlutir.

Það sem hins vegar slær mig við þessa frétt er þetta:

Fjölmargar stofnanir ríkisins stóðu í þeirri merkingu

Ef þetta er rétt sem stendur í fréttinni þá finnst mér sinnuleysið hjá þessum ríkisstofnunum vera umtalsvert. Hvaða stofnanir ætli þetta séu? Ég er nokkurn veginn viss um að það hafi ekki verið lögreglan, Almannavarnir eða slökkvilið. Ef þetta hefði verið raunin þá hefðu auðvita allt slökkviliðið verið í viðbragðsstöðu og sennilega flest allir viðbragðaðilar líka. Venjulega er mikið magn af sprengiefni ekki flutt nema í fylgd lögreglu - a.m.k. í þéttbýli.

Í alvöru, hverjum myndi detta í hug að flytja mikið magn af sprengjuefni með flugvél hér á landi?

Herflugvél á Akureyri

Athugasemdir

[ólafur (IP-tala skráð) 29.9.2013 kl. 16:55]

Já bara bull og heimska. Sprengiefni og hvellhettur eru flutt með skipum. Og sprengiefnið í einu skipi og hvellhetturnar í öðru. Svo er þetta geymt aðskilið líka þegar það er komið á land.. Svo er Bandarískiflugherinn ekki stofnun sem stundar leiguflug fyrir vegavinnuna hér á landi. Heimskir mörlandar ;o)

[Sumarliði Einar Daðason, 29.9.2013 kl. 19:46]

Já, þetta var auðvita bara bull.

Hins vegar flutti bandaríski flugherinn Keikó til Vestmannaeyja á sínum tíma, en ég veit ekki hvort flugherinn sé almennt að leigja út þjónustu sína (t.d. eins og Landhelgisgæsla Íslands gerir).